Maxsus imkoniyatlar
Ижтимоий тармоқларда Пастдарғом тумани «Янги саноат» қишлоғида яшовчи фуқаро карантин пайтида шаҳарга кириб-чиқиш тақиқлангани сабабли 9 ойлик чақалоғига каша ололмаётганлигини айтиб мурожаат қилган.
Мазкур ҳолат ўрганилганда фейсбук ижтимоий тармоғи орқали мурожаат қилган фуқаро Хуршида Турсунова ҳозирда Туркия давлатида эканлиги аниқланди. У 9 ойлик боласини онаси Зебо Юсупованинг қарамоғига ташлаб кетган.
Зебо Юсупованинг маълум қилишича, карантин эълон қилинганидан сўнг каша олиш учун кўчага чиққанида Самарқанд шаҳрига кириш йўли ёпилганлигини қизига айтган. Натижада Хуршида Турсунова нотўғри хулосага келиб, ижтимоий тармоққа видеомурожаат қолдирган.
- Неварам учун етарлича каша бор. Аслида улар мени гапларимни нотўғри тушунган. Қизим ёшлик қилган. Бунинг учун барчадан узр сўрайман дейди, - Зебо Юсупова.
