Dehqonlarimiz ertangi hosil uchun bugundan taraddud ko‘rishga odatlanishgan. Ayni shu kunlarda g‘alla ekiladigan maydonlarni tayyorlash, g‘o‘zalarni o‘g‘itlash muhim vazifalardan biri hisoblanadi.  

Zarafshon MMTP hududidagi Tepa fermer xo‘jaligi dalasida qishloq xo‘jaligi soha mutasaddilari, fermerlar ishtirokida o‘tkazilgan ko‘rgazmali seminarda g‘o‘za parvarishida zarur agrotexnik tadbirlarni vaqtida amalga oshirish, shu kabi kelgusi yil hosili uchun g‘alla maydonlarini hozirlash borasida so‘z yuritildi.

Seminarda Bog‘bon Agrokomplejs rahbari, Turkiyadan tashrif buyurgan paxta va g‘alla bo‘yicha mutaxassis hamda "SHAMS ASSH" MCHJ Sotish va Marketing direktori ishtirok etib, zarur agrotexnik tadbirlar yuzasidan tavsiyalar berishdi.