Tumanimizning ko‘rkiga-ko‘rk qo‘shish, infratuzilmasini yana-da yaxshilash va har tomonlama rivojlantirish maqsadida bir qator bunyodkorlik ishlari amalga oshirilmoqda. Ayni kunlarda barcha qurilish obyektlarida ishlar qizg‘in pallada.

Jumladan, tegishli dastur asosida 14 ta maktabgacha va maktab taʼlim muassasalarida qiymati 46 milliard 400 million so‘mlik loyihalar bo‘yicha qurilish ishlari olib borilyapti.

Shuningdek, 5 dona 196 xonadondan iborat ko‘p qavatli hamda 200 dan ortiq kottej uy-joylari bunyod etilmoqda. Bundan tashqari, "Ochiq byudjet" dasturi doirasida 14 ta mahallada jami qariyb 32 kilometr masofadagi yo‘llar asfalt qilinishi va 78-maktab hududida yangi zamonaviy sport zali qurilishi rejalashtirilgan.

Tuman hokimi o‘rinbosari, tuman prokuraturasi masʼullari va qurilish-pudratchi tashkilotlar rahbarlari ishtirokida muhokama bo‘lib o‘tdi. Unda, tumanimizda olib borilayotgan bunyodkorlik ishlarini sifatli holatda hamda belgilangan muddatda yakunlash lozimligi xususida so‘z yuritildi.

Bundan tashqari tuman infratuzilmasini yaxshilash maqsadida amalga oshiriladigan qurilish pudrat ishlari ham alohida muhokama qilindi.